عشان عينك = بقلم الشاعر الراقي / خالد الكردي -- تحياتي جدو عبدو

عشان عينك

عشان عينك شىربت المر وهاكمل

كلام ممكن ف وقت يضر

وباتحمل

عشان الحلم يتحقق

وكل كلامي يتصدف

راح اتحمل عشان خاطرك

وممكن اعدل المبدا

لكن مش ضعف وحياتك

ولا علشان طمع فيكي

عشان بافرح باوقاتك

واغير من نفسي انا عليكي

اداري الحزن جوايا

بضحكه ف وش احبابك

وبارمي الهم انا ورايا

وباخجل حتي ف عتابك

وحتي دموعي بادريها

وتبقي مقطعه قلبي

وايه ذنبك تشوفيها

واقول الذنب ده ذنبي

عشان فكرت اكون ليكي

واعيش راهب ف محرابك

ومن نومك اصحيكي

واكون سهران علي بابك

فسامحيني علي غبائي

وسيبي دموعي تكويني

خلاص حبك صبح دائي

ومش طالبك تحبيني

عشان عينك

خالد الكردي