أنا بهواك
بتبقى معايا وواحشنى
وتبقى فحضنى واشتاقلك
وبندهلك
بعلو الصوت
بلاش ترحل
بلاش تتقل
بلاش تكوينى بغيابك وادوق الويل ومش هسأل
واقول كلمة
دا طيفك ياجميل نعمة
ونورك فالسما نجمة
وبتلالى
ياأغلى من الغلا ياغالي
ياريت ترحم ضنى حالي
فبعدك مسكني خالي
بلا عزوة
دي حالة حب مش نزوة
ولا عركة ولا غزوة
انا عاشق لأنفاسك
واحساسك
ياروح الروح
منين ما بروح
في أفكاري وعلشانك اموت مدبوح
وانا راضي
لان هوايا مش عادي
ولا غنوة ولا موال
دا عشق حلال
وله مبدأ
وعنده أساس
وفيه احساس
وقلبي والوريد حراس
على جنابك
وانا عاشق على بابك
بقول نظرة وتنهيدة
وادوب في هواك
وبستناك وبترجاك
يااحلى ملاك
تحن عليا بإشارة
وضحكة حب وبشارة
واكون ممنون
كما كروان في حضن غصون
بيعزف لحن دافى حنون
يلف الكون
بلاش تبعد وتنساني
وادوق في البعد حرماني
نقول تاني
أنا بهواك
صبري شومان
0 التعليقات :
إرسال تعليق